嘻嘻，唔使請假，今年5月27日係星期三，我地既例假，冇特別諗點樣慶祝，冇錢？行唔開？冇心去諗？定還是我未好番？唔知...總之我係冇去諗，不過鍾生就有諗，上個星期同我講話不如去邊度邊度食飯，冇記錯係跑馬地d明星去果d，哎也！咪喇，我又唔係明星，真係一d興趣都冇，話我老土都係咁講！
禽晚鍾生話不如去青山公路新開果間酒店食buffet，都好！一來唔使就住我要食乜，二來夠方便，嘻嘻！
上網搵電話訂位先發現，家陣做緊7折呀，正！
今朝訓醒就有花花收，鍾生話得第一年先有架咋，唔緊要，下年送其它都ok架
哇哈哈！
好方便，荃灣有shuttle bus去酒店，好鬼正！
未黎過呢間酒店，雖然好細，但都幾精緻，兼且夠新！
食野既環境、味道都唔錯啊，冇諗過咁平都有呢個水準，不過款式比較少。
食飽坐番shuttle bus出荃灣，冇野做同鍾生玩自拍，即刻諗起小檸曾經講過d好笑野，不禁舉機扮影"格拉底"，哈哈，笑鬼死！
我有個希望，希望下年開始，每逢結婚週年，都可以去旅行就好喇！鍾生...可以嗎？
